"Барселона" Англия жамоаси Тодд Боули консорсиумига сотилганидан кейин "Челси" ҳимоячиси Сезар Аспиликуэта билан шартнома имзолаш бўйича музокараларни кучайтирмоқчи. Бу ҳақда Mundo Deportivo хабар бермоқда.
Манбага кўра, "Челси" 32 ёшли футболчининг трансфери учун катта сумма сўрамайди. Аввалроқ, “Барселона” Аспиликуэтани эркин агент сифатида қўлга киритишга ҳаракат қилган эди, бироқ мавсумдаги 30 та ўйиндан сўнг унинг “Челси” билан шартномаси автоматик равишда узайтирилган.
Испания терма жамоаси аъзоси Лондон клубига 2012 йилда келиб қўшилган. Ўшандан бери ҳимоячи 476 та ўйинда майдонга тушиб, 17 та гол урди ва 56 та голли узатмани амалга оширди.