"Barselona" Angliya jamoasi Todd Bouli konsorsiumiga sotilganidan keyin "Chelsi" himoyachisi Sezar Aspilikueta bilan shartnoma imzolash bo‘yicha muzokaralarni kuchaytirmoqchi. Bu haqda Mundo Deportivo xabar bermoqda.
Manbaga ko‘ra, "Chelsi" 32 yoshli futbolchining transferi uchun katta summa so‘ramaydi. Avvalroq, “Barselona” Aspilikuetani erkin agent sifatida qo‘lga kiritishga harakat qilgan edi, biroq mavsumdagi 30 ta o‘yindan so‘ng uning “Chelsi” bilan shartnomasi avtomatik ravishda uzaytirilgan.
Ispaniya terma jamoasi a’zosi London klubiga 2012 yilda kelib qo‘shilgan. O‘shandan beri himoyachi 476 ta o‘yinda maydonga tushib, 17 ta gol urdi va 56 ta golli uzatmani amalga oshirdi.