"Ливерпуль" ҳужумчиси Садио Мане 2016 йилнинг ёзида "Энфилд" эгалари сафига ўтишдан олдин "Манчестер Юнайтед"га ўтиш имконияти борлигини айтди. Сенегаллик сўнгги дақиқаларда фикрини ўзгартиртириш сабабини айтди.
"Мен "Манчестер Юнайтед" билан ҳамма нарсани келишиб олгандим. Ҳаммаси тайёр эди, бироқ сўнгги лаҳзада ўзимга ўзим айтдим: “Йўқ, сен “Ливерпуль”га ўтишинг керак”, — дея сенегаллик ҳужумчининг сўзларини келтиради Goal.
Эслатиб ўтамиз, Мане "Саутгемптон"дан "Ливерпуль"га 40 миллион евро эвазига ўтган эди. Фаолияти давомида сенегалликлар Австриянинг “Зальцбург” клубида ҳам ўйнашга муваффақ бўлган.
