"Liverpul" hujumchisi Sadio Mane 2016 yilning yozida "Enfild" egalari safiga o‘tishdan oldin "Manchester Yunayted"ga o‘tish imkoniyati borligini aytdi. Senegallik so‘nggi daqiqalarda fikrini o‘zgartirtirish sababini aytdi.
"Men "Manchester Yunayted" bilan hamma narsani kelishib olgandim. Hammasi tayyor edi, biroq so‘nggi lahzada o‘zimga o‘zim aytdim: “Yo‘q, sen “Liverpul”ga o‘tishing kerak”, — deya senegallik hujumchining so‘zlarini keltiradi Goal.
Eslatib o‘tamiz, Mane "Sautgempton"dan "Liverpul"ga 40 million yevro evaziga o‘tgan edi. Faoliyati davomida senegalliklar Avstriyaning “Zalsburg” klubida ham o‘ynashga muvaffaq bo‘lgan.