"Манчестер Юнайтед" ҳимоячиси Аксель Туанзебе ёзда "Брайтон"га ўтиши мумкин. Football Insider хабарига кўра, ушбу трансферга шахсан "чайқалар" бош мураббийи Грэм Поттер қизиқиш билдирмоқда.
"Брайтон" "Манчестер Юнайтед" билан Туанзебе бўйича келишувга эриша олишига ишончи комил, чунки футболчи бош мураббий Эрик тен Хагнинг режаларига кирмайди.
Эслатиб ўтамиз, Туанзебе жорий мавсумнинг иккинчи ярмини Италиянинг “Наполи” клубида ижара асосида ўтказди. Футболчи аввалроқ Англия Премьер-лигасининг бошқа аъзоси “Астон Вилла” таркибида ҳам ўйнаган.
