«Барселона» ярим ҳимоячиси Гави фаолиятини Англияда давом эттириши мумкин.
Испан нашри хабарига кўра, ёзда қанот ҳужумчиси Садио Мане билан хайрлашиши мумкин бўлган «Ливерпуль» 17 ёшли испанияликни сотиб олмоқчи.
Бироқ ОАВда Гавининг 2023 йилнинг ёзида якунига етадиган шартномаси ҳақида ҳеч қандай маълумот йўқ. «Ливерпуль» музокаралардаги сустликдан фойдаланиб, «Бетис» тарбияланувчисини Англияга жалб қилмоқчи.
17 ёшли Гави 2021/22 йилги мавсумда «Барселона»нинг асосий жамоасида дебют қилди. У барча мусобақаларда 47 та ўйин ўтказиб, иккита гол урди ва 6 та голли узатмани амалга оширди.
