Бразилиялик футбол афсонаси Пеле Европа чемпионлар лигаси финалида бўлиб ўтадиган «Ливерпуль» — «Реал» баҳси борасида ўз фикрини билдириб ўтди.
«Мен «Реал» ва «Ливерпуль» ўртасида ажойиб ўйин томоша қилишни истайман. Дўстларим Винисиус ва Каземирони нариги жамоадаги Алиссон ва Фабиньога қарши қийин баҳс кутиб турибди.
Бу учрашув фақат мени ҳаяжонга соляптими? Ишончим комил, бундай эмас!» — дея ёзди Пеле твиттер орқали.
Эслатиб ўтамиз, «Ливерпуль» ва «Реал» ўртасидаги учрашув бугун тунда Тошкент вақти билан 00:00да бошланади.