"Арсенал" "Интер" ҳимоячиси Федерико Димаркога қизиқиш билдирмоқда, дея хабар беради The Sun.
Инглиз клуби Киран Тирни жароҳат олганидан кейин чап қанот ҳимоячиси ўрнини мустаҳкамламоқчи. Манбага кўра, "Интер" Димарконни тахминан 20 миллион еврога сотишга тайёр.
Федерико жорий мавсумда “нерадзуррилар” сафида барча турнирларда 42 та ўйинда майдонга тушиб, 2 та гол урди ва 5 та голли узатмани амалга оширди.
Transfermarkt италиялик ҳимоячининг ҳозирги нархини 16 миллион еврога баҳоламоқда. Унинг клуб билан шартномаси 2026 йилнинг июнигача амал қилади.