"Милан" ёзги трансфер мақсадларини белгилаб олди. Инсайдер Руди Галеттининг фикрича, “россонерилар” жамоасининг ҳужум чизиғини кучайтирмоқчи.

Италия гранди бир вақтнинг ўзида Туманли Албионда ўйнайдиган иккита футболчига кўз тикди. "Милан"нинг биринчи мақсади "Манчестер Юнайтед" вингери Жесси Лингард, иккинчи мақсади эса "Манчестер Сити" ҳужумчиси Рияд Маҳрез.

Лингард "Милан"га текинга кетиши мумкин, чунки унинг "Юнайтед" билан шартномаси келаси ой охирида тугайди.

Маҳрезга келсак, унинг "шаҳарликлар" билан шартномаси 2023 йилнинг ёзига қадар тузилган. Жазоирлик футболчининг нархи 40 миллион еврога баҳоланмоқда.