20 май куни "Реал" посбони Икер Касильяс 31 ёшга тўлди. Ўз фаолияти давомида Икер мухлисларга жуда кўп шодликлар улашди. У ҳали бери бутсасини михга илиш ҳақида ўйламаяпти ва мухлисларни хурсанд қилишда давом этмоқчи.
"Ҳозир фаолиятимдаги энг яхши давримни бошдан кечиряпман. Мен уни "Реал"да бошладим ва шу клубда тугатмоқчиман. Ўзимни мадридлик ҳисоблайман ва ўзимни ўзга жамоа футболкасида тасаввур қила олмайман", - дея Касильяснинг сўзларини келтиради испан матбуоти.