Ҳужумчи Андреа Белотти 2015 йилдан бери ўйнаб қилиб келаётган “Торино” клубини тарк этишга қарор қилди. Тўпурар футболчи фаолиятини А Сериянинг нуфузли клубида давом эттириш имконияти бор.
La stampa нашри хабарига кўра, 28 ёшли тўпурарнинг хизматларига "Интер" клуби қизиқиш билдирмоқда. "Нерадзурри" италиялик футболчи учун баҳсда "Монца"ни ортда қолдирмоқчи. "Интер" Белотти номзодини келаси йили 37 ёшга тўладиган босниялик Эдин Жекога муқобил вариант сифатида кўриб чиқмоқда.
Бундан ташқари, “Интер”ни Андреанинг эркин агент сифатида шартнома имзолаши ҳам қизиқтирмоқда.
Ҳужумчи ўтган мавсум А Серияда 22 ўйинда 8 та гол урди.