Польша терма жамоаси устози Чеслав Михневич журналистларга ҳужумчи Роберт Левандовскини қайси жамоада кўришни хоҳлаши ҳақида гапирди.
Михневич 33 ёшли полшалик футболчини "Ливерпул"да кўришни хоҳлашини айтди. Терма жамоа устози мерсисайдликлар жамоасига мухлислик қилишини, шу боис Левандовскини "Ливерпуль" таркибида кўришдан хурсанд бўлишини айтди.
Эслатиб ўтамиз, полшалик ҳужумчи ёзда "Бавария"ни тарк этишни режалаштирган. Левандовскини қўлга киритиш учун асосий даъвогар "Барселона" ҳисобланади. Жорий мавсумда ҳужумчи Германия чемпионатида 34та ўйин ўтказиб, 35та гол урган.