Ҳужумчи Анхель Ди Мария ЖЧ-2022дан кейин Аргентина терма жамоасидаги фаолиятини якунлашини маълум қилди.
"Жаҳон чемпионатидан кейин терма жамоани тарк этиш вақти келади. Аргентинада жаҳон даражасига чиқаётган, ўзини кўрсатишга тайёр йигитлар кўп. Қатардаги жаҳон чемпионатидан сўнг мен термани тарк этаман", - дея Ди Мариянинг сўзларидан иқтибос келтирган Mundo Deportivo.
34 ёшли Ди Мария Аргентина терма жамоасида 2008 йилнинг сентябрида дебют қилган. У жамоа билан биргаликда 2021 йилда Америка кубогини қўлга киритди.
Анхель Аргентина терма жамоаси сафида 121 та ўйинда майдонга тушиб, 24 та гол ва 24 та голли узатмани амалга оширган.
