Sky Sports нашри хабарига кўра, "Ливерпуль" 28 ёшли футболчи билан шартномани узайтирмоқчи эмас. Амалдаги келишув 2023 йилнинг ёзига қадар мўлжалланган, шунинг учун "қизиллар" Алекс Окслейд-Чемберленни ёзги трансфер мавсумида сотишга ҳаракат қилади.
Тахминларга кўра, ярим ҳимоячига Премьер-лиганинг бир қанча клублари, жумладан, "Ньюкасл" ва "Вест Хэм" қизиқиш билдирмоқда.
Окслейд-Чемберлен ўтган мавсумда мерсисайдликлар таркибида 17 та ўйинда майдонга тушиб, 2 та гол урди ва битта голли узатмани амалга оширди.