Журналист Николо Скиранинг хабар беришича, "Торино" "Интер" ҳужумчиси Андреа Пинамонтига қизиқиш билдирмоқда.
Манбага кўра, Турин клуби 23 ёшли италияликни ёзги трансфер ойнасида ўз сафига қўшиб олиши мумкин.
2021/22 йилги мавсумда Пинамонти "Эмполи"да ижара асосида ўйнаган. Форвард жамоаси сафида 37та ўйинда 13та гол урди ва 2та голга ассистентлик қилди.
Transfermarkt.com портали футболчининг нархини 16 миллион еврога баҳоламоқда.