"Барселона" вингери Усмон Дембеле ўз келажаги борасида атайлаб шошилмаётган эди, чунки у "Челси"дан санкциялар олиб ташланишини кутгани айтилган. Шу сабабли франциялик ҳужумчи "Барселона" билан шартнома узайтиришни ортга суриб келган.

Эслатиб ўтамиз, "кўклар"га қўйилган чекловлар кеча олиб ташланди, шунинг учун клуб энди трансфер бозорида харидлар амалга ошириши мумкин.

Журналист Ник Пьюреллнинг фикрича, Дембеле учта вариантдан бирини танлаши керак. Ҳозирда футболчига "Бавария", "Челси" ва "ПСЖ" клублари қизиқиш билдирмоқда.

Бош мураббий Томас Тухелнинг борлиги Дембеленинг "Челси"га ўтиш қарорига таъсир қилиши мумкин. Франциялик футболчи бир неча бор Тухелни фаолиятидаги энг яхши мураббий деб атаган.