"Barselona" vingeri Usmon Dembele o‘z kelajagi borasida ataylab shoshilmayotgan edi, chunki u "Chelsi"dan sanksiyalar olib tashlanishini kutgani aytilgan. Shu sababli fransiyalik hujumchi "Barselona" bilan shartnoma uzaytirishni ortga surib kelgan.

Eslatib o‘tamiz, "ko‘klar"ga qo‘yilgan cheklovlar kecha olib tashlandi, shuning uchun klub endi transfer bozorida xaridlar amalga oshirishi mumkin.

Jurnalist Nik Pyurellning fikricha, Dembele uchta variantdan birini tanlashi kerak. Hozirda futbolchiga "Bavariya", "Chelsi" va "PSJ" klublari qiziqish bildirmoqda.

Bosh murabbiy Tomas Tuxelning borligi Dembelening "Chelsi"ga o‘tish qaroriga ta’sir qilishi mumkin. Fransiyalik futbolchi bir necha bor Tuxelni faoliyatidagi eng yaxshi murabbiy deb atagan.