Мусобақага мезбонлик қилмоқчи бўлган давлатлар бу ҳақда расман эълон қилишлари учун 30 июнга қадар муддатлари бор. Шундан сўнг, 31 августга қадар турнирга даъвогарлар ариза ҳужжатларини, жумладан, давлат кафолатларини тақдим этишлари керак бўлади.
ОФК 15 сентябргача ариза топширган мамлакатларга ташриф буюриши керак. Осиё Кубоги қаерда ўтказилиши ОФК Ижроқўмининг 17 октябрь куни бўлиб ўтадиган йиғилишида қабул қилинади.
ОФК, албатта, стадионларга қўйиладиган талабларни пасайтирди. Керакли ареналар сони ўзгармади - 8 тадан 10 тагача. Лекин сиғим пасайди - гуруҳ босқичида ва чорак финалгача 20 000. Ярим финал учун минимал сиғим 40 000. Очилиш ва финал ўйинида эса 50 000.
