"Бавария" ярим ҳимоячиси Леон Горецка ушбу мавсумда Мюнхенни тарк этмоқчи бўлган жамоадоши Роберт Левандовскининг келажаги ҳақидаги вазиятга изоҳ берди.
“Бу вазиятда менинг фикрим ҳеч нарсани ўзгартирмайди деб ўйлайман. "Бавария" ва Левандовски биргаликда улкан муваффақиятларга эришдилар. Умид қиламанки, улар муроса топиб, яхшироқ ечим топишади”, - деди Горецка Bild нашрига.
Эслатиб ўтамиз, Левандовскининг "Бавария" билан шартномаси муддати келаси мавсум охиригача тузилган. "Барселона" польшалик ҳужумчи учун 35 миллион евро таклиф қилмоқда.
2021/22 йилги мавсумда польяк "Бавария" сафида барча мусобақаларда 47 ўйинда 50 та гол урди ва 7 та голли узатмани амалга оширди.
