"Bavariya" yarim himoyachisi Leon Goreska ushbu mavsumda Myunxenni tark etmoqchi bo‘lgan jamoadoshi Robert Levandovskining kelajagi haqidagi vaziyatga izoh berdi.
“Bu vaziyatda mening fikrim hech narsani o‘zgartirmaydi deb o‘ylayman. "Bavariya" va Levandovski birgalikda ulkan muvaffaqiyatlarga erishdilar. Umid qilamanki, ular murosa topib, yaxshiroq yechim topishadi”, - dedi Goreska Bild nashriga.
Eslatib o‘tamiz, Levandovskining "Bavariya" bilan shartnomasi muddati kelasi mavsum oxirigacha tuzilgan. "Barselona" polshalik hujumchi uchun 35 million yevro taklif qilmoqda.
2021/22 yilgi mavsumda polyak "Bavariya" safida barcha musobaqalarda 47 o‘yinda 50 ta gol urdi va 7 ta golli uzatmani amalga oshirdi.
