“Ливерпуль” ҳужумчиси Муҳаммад Салоҳ жамоаси билан янги шартнома борасида келиша олмаса, мерсисайдликлар клубини тарк этишга тайёр. Қайд этилишича, мисрлик футболчи "қизиллар"ни тарк этса, Англия Премьер-лигасида қолишни афзал кўради. Бу ҳақда The Athletic хабар бермоқда.
Манбага кўра, Муҳаммад Салоҳ "Ливерпуль" билан янги шартнома имзолаганидан сўнг дунёнинг энг кўп маош олувчи олтинчи футболчисига айланишни истамоқда. Мерсисайдликлар клуби раҳбарияти ҳозирча мисрлик ҳужумчининг талабларини қондира олмаяпти.
Манбанинг айтишича, сўнгги олти ой ичида Салоҳ ва "Ливерпул" ўртасида юзма-юз музокаралар бўлмаган. Охирги марта унинг янги шартномаси муҳокама қилинганида, Салоҳ нимани хоҳлаётгани ва клуб унга таклиф қилмоқчи бўлган нарса ўртасида катта тафовут борлиги хабар қилинганди.
Олдинроқ "Ливерпуль" ҳужумчиси икки йиллик шартнома имзолашга тайёрлигини айтганди.
