“Liverpul” hujumchisi Muhammad Saloh jamoasi bilan yangi shartnoma borasida kelisha olmasa, mersisaydliklar klubini tark etishga tayyor. Qayd etilishicha, misrlik futbolchi "qizillar"ni tark etsa, Angliya Premyer-ligasida qolishni afzal ko‘radi. Bu haqda The Athletic xabar bermoqda.
Manbaga ko‘ra, Muhammad Saloh "Liverpul" bilan yangi shartnoma imzolaganidan so‘ng dunyoning eng ko‘p maosh oluvchi oltinchi futbolchisiga aylanishni istamoqda. Mersisaydliklar klubi rahbariyati hozircha misrlik hujumchining talablarini qondira olmayapti.
Manbaning aytishicha, so‘nggi olti oy ichida Saloh va "Liverpul" o‘rtasida yuzma-yuz muzokaralar bo‘lmagan. Oxirgi marta uning yangi shartnomasi muhokama qilinganida, Saloh nimani xohlayotgani va klub unga taklif qilmoqchi bo‘lgan narsa o‘rtasida katta tafovut borligi xabar qilingandi.
Oldinroq "Liverpul" hujumchisi ikki yillik shartnoma imzolashga tayyorligini aytgandi.
