“Барселона” ҳимоячиси Самуэл Умтити Франциянинг “Ницца” клуби нишонига тушди. Бу ҳақда Diario Sport хабар бермоқда.

Франция клуби "Барселона" Умтити билан томонларнинг ўзаро келишувига кўра шартномани бекор қилишига рози бўлишига умид қилмоқда. Бу ҳолда “Ницца” 28 ёшли франциялик футболчини эркин агент сифатида ўз сафига қўшиб олиши мумкин бўлади. Самуэл Умтитининг "кўк-анорранглилар" билан амалдаги шартномаси 2026 йилгача мўлжалланган.

Каталонияликлар клубининг молиявий аҳволини яхшилаш учун ўз футболчилари билан хайрлашиши керак.

Жорий мавсумда француз "Барселона" сафида бор йўғи битта ўйин ўтказган.