Англиялик ярим ҳимоячи Жесси Лингард "Манчестер Юнайтед"ни тарк этиши ҳақида гапирди.

"Мен шу ерда туғилиб ўсдим. 22 йилдан кейин менда жуда кўп ўзига хос хотиралар ва лаҳзалар бор, уларни абадий эслаб қоламан. "Манчестер Юнайтед" менинг қалбимда абадий қолади", - деди Лингард ўзининг ижтимоий тармоқларида.

Лингард "Манчестер Юнайтед" тарбияланувчиси ҳисобланади. Умуман олганда, англиялик футболчи манкунианликлар сафида 232 та ўйин ўтказиб, 35 та гол урган ва 21 та голга ҳаммуаллифлик қилган. 29 ёшли ярим ҳимоячи ўтган мавсумда 24 та ўйинда майдонга тушиб, 2 та гол ва битта голли узатмага муаллифлик қилган.