Angliyalik yarim himoyachi Jessi Lingard "Manchester Yunayted"ni tark etishi haqida gapirdi.

"Men shu yerda tug‘ilib o‘sdim. 22 yildan keyin menda juda ko‘p o‘ziga xos xotiralar va lahzalar bor, ularni abadiy eslab qolaman. "Manchester Yunayted" mening qalbimda abadiy qoladi", - dedi Lingard o‘zining ijtimoiy tarmoqlarida.

Lingard "Manchester Yunayted" tarbiyalanuvchisi hisoblanadi. Umuman olganda, angliyalik futbolchi mankunianliklar safida 232 ta o‘yin o‘tkazib, 35 ta gol urgan va 21 ta golga hammualliflik qilgan. 29 yoshli yarim himoyachi o‘tgan mavsumda 24 ta o‘yinda maydonga tushib, 2 ta gol va bitta golli uzatmaga mualliflik qilgan.