Португалия терма жамоаси бош мураббийи Фернанду Сантуш Миллатлар лигаси доирасидаги Испания билан дуранг (1:1) ҳақида фикр билдирди.
“Биринчи бўлим тенг курашлар остида ўтди. Бизда гол уриш учун имкониятлар бўлди, аммо рақиблар тўпга кўпроқ эгалик қилишди. Ҳужум зонасида катта сабр билан ўйнашимиз, қанотлардаги бўш жойдан фойдаланишимиз керак эди.
Иккинчи бўлимда биз яхшироқ ҳаракат қила бошладик. Улар тўпни кўпроқ назорат қилишди ва бизни кўпроқ югуришга мажбур қилишди, эркин зоналарни очишди. Шундан сўнг, марказда ўзгаришлар қилдик. Масалан, Орта ва Гедеш. Улар голда иштирок этишди.", - дея Сантуш сўзларидан иқтибос келтиради УЕФА матбуот хизмати.
