"Брюгге" ярим ҳимоячиси Шарл де Кетеларе фаолиятини Италияда давом эттириши мумкин, дея хабар беради журналист Николо Скира.
Манбага кўра, "Милан" 21 ёшли бельгиялик футболчига даъвогарлик қилмоқда. Италия чемпиони яқин орада ярим ҳимоячи учун Бельгия клубига расмий таклиф билан чиқишни режалаштирмоқда.
Ўтган мавсумда Де Кетеларе 49 ўйин ўтказиб, 18 гол ва 10 голга ассистентлик қилган. Transfermarkt.de портали футболчининг нархини 30 миллион еврога баҳоламоқда.