"Арсенал" бош мураббийи Микель Артета ёзда жамоани тарк этадиган Александр Ляказетт ҳақида фикр билдирди.
“Ляказетт биз учун фантастик футболчи бўлди. У майдонда ҳам, майдон ташқарисида ҳам ҳақиқий етакчи эди ва ёш футболчиларга катта таъсир ўтказди. Биз унга ва унинг оиласига муваффақият ва бахт тилаймиз”, - деди Артета.
31 ёшли форвард "Арсенал"га 2017 йилда "Лион"дан келиб қўшилган эди. Англия жамоаси сафида 206 та ўйинда майдонга тушган ҳужумчи 71 та гол урди ва 36 та голли узатмани амалга оширди.
