"Манчестер Сити" ҳужумчиси Габриэл Жезус инглиз клубини тарк этишга қарор қилди, деб хабар беради The Athletic.
У кўпроқ ўйин амалиётига эга бўладиган жамоада ўйнашни хоҳлайди.
Айни дамда Жезус июнь ойи бошида Жанубий Корея, Япония ва Аргентинага қарши майдонга тушадиган Бразилия терма жамоаси ихтиёрида.
Жорий мавсумда футболчи “Манчестер Сити” сафида 41 та ўйин ўтказиб, 13 та гол урди ва 12 та голли узатмани амалга оширди.
Унинг шартномаси 2023 йилнинг июнигача амал қилади. Transfermarkt портали ҳужумчини 50 миллион еврога баҳоламоқда.
