Италиянинг "Милан" клуби вице-президенти Адриано Галлианининг қайд этишича, клуб ҳимоячиси Тиаго Сильва жамоада қолар экан.
"Кўплаб испан ва инглиз жамоалари Тиаго Сильвага қизиқиш билдирмоқда. Аммо у барибир биз билан қолади. Биз ҳар қандай тўлов таклифга қарши чиқамиз".
"Европанинг барча молиявий имконияти катта бўлган клублар уни сотиб олишни хоҳламоқда. Биз ҳам футболчини сақлаб қолиш учун барча имкониятларимизни ишга соламиз".
"Менда Златан Иброҳимович билан ҳам узоқ гаплашиш имконияти бор. Унинг агенти билан ҳам доимий алоқадаман. Златан ҳозирча "Милан"ни тарк этишга хоҳиши борлигини билдиргани йўқ. Демак у ҳам биз билан қолади", дея Галлианининг сўзларидан иқтибос келтирмоқда Football Italia нашри.













