"Тоттенхэм" клуби "Ювентус" ва Аргентина терма жамоаси ҳужумчиси Пауло Дибала билан шартнома имзолаш ғоясидан воз кечди, деб хабар беради Daily Mail.
Манбага кўра, инглиз клуби 28 ёшли аргентиналик футболчининг хизматларига қизиқиш билдирган, аммо Дибалани сотиб олишдан бош тортган. Рад этишга форварднинг юқори маош талаби сабаб бўлди - Дибала "Тоттенхэм"да ҳафтасига тахминан 280 минг фунт (тахминан 330 минг евро) олмоқчи эди.
Эслатиб ўтамиз, Дибала 2015 йилдан бери "Ювентус"да ҳаракат қилиб келмоқда.
2021/2022 йилги мавсумда 28 ёшли аргентиналик футболчи Италия чемпионатининг 29 та учрашувида қатнашиб, 10 та гол урган.
