"Ньюкасл" "Атлетико" ҳужумчиси Янник Карраскога қизиқиш билдирмоқда, деб хабар беради AS.
28 ёшли бельгиялик футболчининг шартномасида товон пули 55 миллион еврони ташкил этади. Бироқ, "қарғалар" бундай суммани мадридликларга тўлашга тайёр эмас ва трансфер нархини туширмоқчи.
Футболчининг амалдаги шартномаси 2024 йилнинг ёзига қадар тузилган.
2021/22 йилги мавсумда Карраско "Атлетико Мадрид" сафида барча мусобақаларда 44 та ўйинда майдонга тушиб, 6 та гол урди ва 7 та голли узатмани амалга оширди.
