"Лидс" қанот ҳужумчиси Рафинья Диас келажаги ҳақида ўз фикрлари билан ўртоқлашди. Футболчи фаолиятини "Барселона"да давом эттириши мумкин.
“Менинг келажагим агентим Деко ва "Лидс" раҳбариятининг қўлида. Келинг, барча томонлар учун энг яхши ечимни топишга ҳаракат қилайлик. Кўрамиз, бундан нима чиқади", - дея Рафиньянинг сўзларини келтиради Mundo Deportivo.
Вингер ўтган мавсумда "Лидс" сафида 35 та ўйинда майдонга тушиб, 11 та гол урди ва 3 та голга ассистентлик қилди.
Бразилиялик футболчининг клуб билан шартномаси 2024 йилнинг 30 июнига қадар амал қилади.
