Миллий жамоалар иштирокидаги ўйинлар сабабли Суперлигада юзага келган танаффусдан фойдаланиб, «Насаф» ва «Динамо» жамоалари Қаршида ўзаро ўртоқлик баҳсида майдонга тушишди.
Шу куни Рўзиқул Бердиев миллий ва олимпия жамоасига чақирилган ўйинчилардан бошқа футболчиларни майдонга туширган бўлса, Андрей Шипилов ҳам бир қатор футболчиларга имконият берди.
Қаршидаги ўйиннинг 34-дақиқасида жамоамиз ҳужумкор яримҳимоячиси Ойбек Нурматов ҳисобни очган бўлса, 90+3-дақиқада Ислом Шарипов жарима нуқтасидан ажойиб голи билан фарқни иккитага етказди – 2:0.
Ўртоқлик ўйини. Қарши.
5 июнь (якшанба)
«Насаф» - «Динамо» - 0:2
Бош ҳакам: Фирдавс Норсафаров
Голлар: Ойбек Нурматов 34, Ислом Шарипов 90+3.
«Насаф»: Aзамат Сойибов (Шаҳзод Суюнов, 84), Ғолиб Ғайбуллаев, Зафармурод Aбдираҳматов, Жаҳонгир Шерматов (Жаҳонгир Тўйчиев, 84), Сардор Садуллаев (Нодир Мукаров, 64), Бекжон Раҳматов (Миржалол Қосимов, 65), Шароф Муҳитдинов, Баҳром Aбдураҳимов (Отажон Ниязметов), Иван Соловьёв (Шаҳзод Хушвақтов, 84), Семир Смайлагич (Aзиз Холмуродов, 65), Шаҳзод Aкрамов (Шерали Расулов, 76).
«Динамо»: Аслонбек Аҳроров, Жўрабек Маннонов, Иброҳим Йўлдошев (Жасур Жумаев), Евгений Чумак (Достон Фотеев), Сайдулло Раҳматов, Жасурбек Умаров, Абдужамол Исроилов (Воҳид Оқбўтаев), Темурбек Исмоилов (Тўлқин Эргашев), Ойбек Нурматов (Шокир Йўлдошев), Шоҳмалик Комилов, Саҳоб Рашидов (Фахриддин Алимов).
