Лондоннинг "Челси" клуби раҳбарияти ёзги трансферлар мавсумида жамоанинг икки нафар аъзоси, Саломон Калу ҳамда Жозе Босингвадан воз кечишга қарор қилган.
The Telegraph нашрининг хабар беришича, ёзда шартномаси ниҳоясига етадиган икки футболчи билан клуб шартномани узайтиришни истамаган.
Шундай қилиб, бу икки футболчи эркин агент сифатида бошқа истаган клубига бориб қўшилиши мумкин. Хабарларга қараганда, Саламон Калу ўзининг собиқ жамоаси "Фейеннорд" га қайтишга қарор қилгани ҳақида хабарар бор.
Маълумотларга қараганда, "Челси" яна уч нафар футболчининг ҳизматларидан воз кечиш истагида. Булар, Флоран Малуда, Майкл Эссьен ҳамда Паулу Феррейрадир. Ушбу футболчилар билан "Челси" раҳбарияти ёзги трансфер мавсуми пайтида музокара олиб боришади. Сабаби, уларнинг шартнома муддатлари ҳали якунига етганича йўқ.
Умумн олганда, The Telegraph нашрининг хабар беришича, лондонликлар келаси мавсумдан бошлаб жамоани тубдан ўзгартириш ниятидалар. Ёши ўтиб қолган футболчилар жамоани тарк этиши, уларнинг ўрнига эса ёшроқ ва истеъдодли футболчиларни таклифэтиш кўзда тутилган.
