Москванинг «Спартак» клуби ўзбекистонлик ярим ҳимоячи Остон Ўруновни сотиб юбормоқчи, дея хабар қилмоқда «Metaratings.ru».
Қайд этилишича, «қизил-оқлар» Ўруновни жамоада сақлаб қолиш ниятида эмас. Москва клуби футболчини сотиб юбориш ҳаракатида юрибди, унга Осиё жамоаларидан қизиқиш бор.
«Спартак» Ўрунов трансферини амалга ошириш учун потенциал харидорларга молиявий томондан чегирма қилишга тайёр. Аммо Остон ва унинг агенти бунга рози бўлмаётгани ишни чигаллаштиряпти.
Агар «Спартак» Ўруновни сота олмаса, у ҳолда футболчи ёшлар жамоасига ўтказиб юборилади. Ўруновнинг москваликлар билан амалдаги шартномаси 2025 йилнинг ёзига қадар мўлжалланган.
Ўрунов 2021/22 йилги мавсумни «Уфа» сафида ижарада ўтказганди.
