"Реал Мадрид" ва Бразилия терма жамоаси вингери Винисиус Жуниор франциялик ҳужумчи Карим Бензема 2022 йилги "олтин тўп"ни қўлга киритиши кераклигини айтди.
Аввалроқ, "ПСЖ" ҳужумчиси Неймар бразилиялик ушбу совринни қўлга киритиши кераклигини айтганди.
"Мен Неймарнинг "Олтин тўп"ни қўлга киритишим кераклиги ҳақидаги сўзларидан жуда мамнунман, аммо ўйлайманки, Бензема бунга кўпроқ лойиқ", - дейди Винисиус Goal нашрига.
Бензема "Реал" билан Чемпионлар лигасида ғолиб чиқди. Улар финалда "Ливерпуль"ни 1:0 ҳисобида мағлуб этди.
Франциялик футболчи фаолияти давомида бешинчи марта турнир ғолибига айланди.
