Европада футбол мавсуми ниҳоясига етди, демак, янги либослар вақти келди! Топ-клублар бирин-кетин янгиланган тўпламларни тақдим этишмоқда. Баъзи либослар ҳақиқий санъат асари, бошқалари минимализмнинг тимсоли. Ушбу мақоламизда Европанинг асосий футбол жамоалари либосларини кўриб чиқамиз
"Ливерпуль"
Мамлакат: Англия
Униформа ишлаб чиқарувчиси: Nike
"Ливерпуль" Премьер-лигадаги асосий рақибидан фарқли ўлароқ, минималистиc дизайнда формада ўйнашни афзал билмоқда.
“Ювентус”
Мамлакат: Италия
Униформа ишлаб чиқарувчиси: Адидас
Бир қарашда “Ювентус” классик формага эга – оқ фон ва қора вертикал чизиқлар. Аммо бу сафар чизиқларнинг ўзи ғайриоддий. Улар кичик қора учбурчаклардан иборат. Ушбу дизайннинг ҳам ўз мухлислари топилиши аниқ.
"Барселона"
Мамлакат: Испания
Униформа ишлаб чиқарувчиси: Nike
Яна бир гўзаллик. "Барселона" нинг янги либосида классик кўк ва аноррангга қўшимча равишда тўқ кўк пайдо бўлди. Футболканинг устки қисми, енглари ва айрим чизиқлари худди шундай қилинган. Техник ҳомийнинг логотипи олтин рангда ишланган.
"Манчестер Сити"
Мамлакат: Англия
Униформа ишлаб чиқарувчиси: Puma
Англия чемпионлари чиройли ва ноодатий формага эга. Асосий ранг анъанавий равишда кўк. Янги либосда клуб эмблемаси марказга кўчди. Ёқа ва енг қимида манжет пайдо бўлган (60 йилларнинг охири ва 70 йилларнинг бошидаги либосларга ўхшатма). Дарвозабон либоси учун тўқ сариқ ранг танланган.
"Реал Мадрид"
Мамлакат: Испания
Униформа ишлаб чиқарувчиси: Адидас
Афтидан, “Реал Мадрид” ҳеч кимни ҳайратда қолдирмоқчи эмас. Шунинг учун бу сафар жамоа дизайнерлари классик либослардан андоза олишган . Бинафшаранг чизиқлар, қора рангнинг қайтарилиши. Бу Мадрид жамоасининг янги формаси. Дарвоқе, клуб бу йил ўзининг 120 йиллигини нишонламоқда ва бу рақам футболканинг ички қисмида белгиланган.
“Бавария”
Мамлакат: Германия
Униформа ишлаб чиқарувчиси: Адидас
"Бавария"нинг янги уй либоси асосан қизил рангда. Унинг оқ манжетлари, ёқаси ва горизонталь чизиқлари бор (уларнинг барчаси ҳар хил қалинликда). 5 май куни форма тақдимоти бўлиб ўтди ва уч кундан сўнг футболчилар унда Бундеслига доирасида "Штутгарт"га (2:2) қарши ўйин ўтказишди.
Янги мавсумда ёрқин либосли жамоалардан, ёрқин ўйинлар кутиб қоламиз.
