"Сассуоло" ҳужумчиси Жанлука Скамакка "ПСЖ"нинг нишонига тушди. Икки клуб вакиллари ўртасида Италия терма жамоаси футболчисининг эҳтимолий трансфери бўйича музокаралар олиб борилди. Бу ҳақда Sky Sports Italia хабар бермоқда.
Аввалроқ, Лондоннинг "Арсенал" клубининг 23 ёшли "Сассуоло" ҳужумчисига қизиқиш билдирилгани ҳақида хабарлар тарқалган эди.
Бироқ Италия клуби директори Жованни Карневалининг айтишича, ҳозирча расмий таклифлар келиб тушмаган.
Жанлука Скамакка ўтган мавсумда "Сассуоло" сафида барча турнирларда 38 та ўйинда майдонга тушиб, 16 та гол ва 1 та голли узатмани амалга оширди.
Transfermarkt портали 23 ёшли ҳужумчининг бозор нархини 30 миллион еврога баҳоламоқда.
