"Ливерпуль" "Абердин" ҳимоячиси Калвин Рэмсини қўлга киритиш борасида музокаралар олиб бормоқда, дея хабар беради журналист Фабрицио Романо.
Манбага кўра, 18 ёшли шотландиялик футболчисининг ўзи инглиз жамоасига ўтишга қизиқмоқда. Ҳимоячи "Ливерпуль" ва "Абердин" ўртасидаги музокараларда олдинга силжиш бўлишини кутмоқда.
Рэмси “Абердин” тарбияланувчиси ҳисобланади, 2021/22 йилги мавсумда ҳимоячи жамоа сафида 33 та ўйинда майдонга тушиб, 1 та гол урди ва 9 та голли узатмани амалга оширди.
Transfermarkt.com портали футболчининг нархини 600 минг еврога баҳоламоқда.
