Ярим ҳимоячи Неманя Матич тез орада "Рома"га трансферини якунлайди, дея хабар беради журналист Фабрицио Романо.
Манбага кўра, 33 ёшли серб июль ойида келишувни якунлаш учун тиббий кўрикдан ўтади. Футболчи тез орада римликлар билан яна бир йилга узайтириш имконияти билан 2023 йилнинг июнь ойи охиригача шартнома имзолайди.
2017 йилнинг июлидан буён Матич "Манчестер Юнайтед"да ҳаракат қилаётган эди.
2021/22 йилги мавсумда ярим ҳимоячи жамоаси сафида 32 та ўйинда майдонга тушиб, 4 та голга ассистентлик қилган.













