"Барселона" шу ҳафта ярим ҳимоячи Серхи Роберто билан шартномани узайтириш бўйича келишувни якунламоқчи, дея хабар беради журналист Фабрицио Романо.
Манбага кўра, клуб 30 ёшли испаниялик билан янги шартнома имзолангани ҳақида 10 июнь, жума куни эълон қилмоқчи.
Шартнома муддати 2023 йилнинг июнь ойи охиригача тузилган.
Роберто - "Барселона" тарбияланувчиси. 2021/22 йилги мавсумда футболчи жамоаси сафида 12 та ўйинда майдонга тушиб, 2 та гол урди ва 1 та голли узатмани амалга оширди.
Футболчининг амалдаги шартномаси 2022 йилнинг июнь ойи охиригача амал қилади.
