Мадриднинг "Реал" клуби "Монако" ярим ҳимоячиси Орльен Тчуаменини сотиб олади.
The Athletic хабарига кўра, Мадрид клуби монегаскликлар билан 22 ёшли ярим ҳимоячининг трансфери бўйича оғзаки келишувга эришган. Битим суммаси 100 миллион евродан ошади.
Ҳозир клублар керакли ҳужжатларни расмийлаштириш жараёнини якунламоқда. Шундан сўнг футболчининг трансфери расман эълон қилинади.
"Реал"га ўтиш учун франциялик футболчи "ПСЖ", "Ливерпуль" ва "Манчестер Юнайтед"дан воз кечди.
Ўтган мавсумда футболчи "Монако" сафида 50 та ўйин ўтказиб, 5 та гол уришга эришган.
