Лондоннинг "Тоттенхэм" клуби уэльслик ҳужумчи Гарет Бэйлни ўз сафига қўшиб олмоқчи эмас. Бу ҳақда The Telegraph нашри хабар бермоқда.
Манбага кўра, 32 ёшли футболчига асосий даъвогар “Кардифф” бўлиб, шунингдек, уэльслик футболчи фаолиятини МЛСда ҳам давом эттириши мумкин.
Бэйл 2007 йилдан 2013 йилгача ва 2020 йилдан 2021 йилгача "Тоттенхэм"да ўйнаган.
Бу вақт ичида Гарет 237 учрашувда 72 та гол урди ва 60 та голли узатмани амалга оширди.