Англия терма жамоаси бош мураббийи Гарет Саутгейт Германияга қарши Миллатлар лигаси ўйинидан сўнг интервью берди. Ушбу учрашув 1:1 ҳисобида якунига етди.
"Биринчи турдаги мағлубиятдан сўнг ўз кучимизга ишончни тиклашимиз керак эди. Ўйлайманки, учрашув натижасидан қониқиш ҳосил қилишимиз мумкин, айниқса воқеалар қандай кечганини ҳисобга олсак. Германия жуда кучли жамоа, биз уларга қарши яхши кўриндик.
Кейн туғма тўпурар. У Англия терма жамоаси тарихидаги энг яхши тўпурарга айланади. Биз доимо унга таянишимиз мумкин. Уни терма жамоадаги 50 та гол билан табриклайман", - дейди Гарет.
