Уругвай термасига қарши ўйин ва унинг натижаси Россия терма жамоасининг Европа чемпионатига қанчалик тайёрлигини кўрсатмайди, дейди терма жамоа дарвозабони Вячеслав Малафеев.
"Бу ўртоқлик учрашуви, турнирга тайёргарлик босқичи эканлигини ҳамма тушунади ва унга жиддий эътибор бериш керак. Аммо у терма жамоанинг ҳозирги ҳолати қандай эканлиги, нимагадир эришишга тайёрми, йўқми, деган саволларга жавоб бера олмайди. Агар бу учта ўртоқлик ўйинини ютган тақдиримизда ҳам, гуруҳ босқичида қандай ўйнашимизни белгидаш қийин. Шу ўринда барча назорат учрашувларини ютқазиб туриб, чемпионатда ғолиб чиқишимиз мумкин.
Гуруҳдаги биринчи ўйиндан кейин барча жамоаларнинг савияси ҳақида тасаввурга эга бўлишимиз мумкин, шу жумладан бизнинг гуруҳда ҳам. Яъни, барча ўйин - бу финалдай бўлади, чунки жавоб учрашуви бўлмайди. Албатта, биринчи турда максимал очко олган жамоалар гуруҳдан чиқиш имкониятига эга бўладилар", - дейди Малафеев.
