"Монако" ярим ҳимоячиси Орльен Тчуамени "Реал"га 116 миллион еврога тушиши мумкин, дея хабар беради RMC Sport.
Манбанинг хабарига кўра, агар шартномада кўрсатилган барча бонуслар фаоллаштирилса, Мадрид клуби 22 ёшли франциялик футболчи учун шунча пул тўлайди.
Қайд этилишича, монегасклар олиши мумкин бўлган максимал бонус миқдори 20 миллион еврони ташкил қилади.
Олдинроқ Мадриднинг “Реал” клуби “Монако” билан Тчуамени трансфери борасида келишиб олгани ҳақида хабар берилганди.
Ярим ҳимоячи Мадрид клуби билан 5 йиллик шартнома имзолайди.
Ўтган мавсумда франциялик футболчи “Монако” сафида барча турнирлар доирасида 50 та ўйинда майдонга тушиб, 5 та гол урди ва 3 та голли узатмани амалга оширди. Унинг клуб билан шартномаси 2024 йилнинг 30 июнига қадар мўлжалланган.
