Осиё кубоги-2023 саралаш босқичи доирасида бўлиб ўтган Ўзбекистон - Шри Ланка учрашуви трансляцияси чоғида футболчиларимиз йирик планда намойиш этилганда уларнинг танасида махсус мосламалар ўрнатилганини кўрдингиз, менимча.
Янглишмасам бу тизим EPTS – Electronic Performance & Tracking System деб номланади. Ўзбекчасига "самарадорликни электрон кузатиш тизими" дейилса жуда хато бўлмаса керак.
Масалан, Жалолиддин Машариповда бўлган бу мослама унинг ўйиндаги кўрсаткичлари ҳақида аниқ ва онлайн маълумот бериб туради. Қанча масофа босиб ўтди, майдоннинг қай ҳудудларида фаол бўлди, пульс маълумотлари ва ҳоказо. Мураббийлар штаби учун жуда зарур маълумотлар.
Миллий жамоа қанчадан бери бу тизимдан фойдаланаётгани ҳақида менда маълумот йўқ. Балки анча бўлгандир. Ҳар нима бўлса ҳам, замонавий ёндашувнинг борлиги бироз қувонтирди.
Ориф Толипов.
