Osiyo kubogi-2023 saralash bosqichi doirasida bo‘lib o‘tgan O‘zbekiston - Shri Lanka uchrashuvi translyasiyasi chog‘ida futbolchilarimiz yirik planda namoyish etilganda ularning tanasida maxsus moslamalar o‘rnatilganini ko‘rdingiz, menimcha.
Yanglishmasam bu tizim EPTS – Electronic Performance & Tracking System deb nomlanadi. O‘zbekchasiga "samaradorlikni elektron kuzatish tizimi" deyilsa juda xato bo‘lmasa kerak.
Masalan, Jaloliddin Masharipovda bo‘lgan bu moslama uning o‘yindagi ko‘rsatkichlari haqida aniq va onlayn ma’lumot berib turadi. Qancha masofa bosib o‘tdi, maydonning qay hududlarida faol bo‘ldi, puls ma’lumotlari va hokazo. Murabbiylar shtabi uchun juda zarur ma’lumotlar.
Milliy jamoa qanchadan beri bu tizimdan foydalanayotgani haqida menda ma’lumot yo‘q. Balki ancha bo‘lgandir. Har nima bo‘lsa ham, zamonaviy yondashuvning borligi biroz quvontirdi.
Orif Tolipov.
