Sky Sports хабарига кўра, "Саутгемптон" "Манчестер Сити" дарвозабони Гевин Базунуни сотиб олишга яқин турибди.
Манбага кўра, "авлиёлар" 20 ёшли ирландиялик футболчини 11 миллион фунтга трансфер қилишга рози бўлишган, дарвозабоннинг ўйинларига боғлиқ бўлган бонус тўловлари эвазига бу сумма 15 миллион фунтга кўтарилиши мумкин.
"Саутгемптон" "Тоттенхэм"га ўтиш учун клубни текинга тарк этган Фрейзер Форстернинг ўрнига айнан Базунуни харид қилади.
2021/22 йилги мавсумда Базуну "Портсмут"да ижара асосида ўйнади. Дарвозабон 46 та ўйин ўтказиб, 53 та гол ўтказиб юборган.
